Nus schein gie
Nus maridein – ed essan fetg cuntents da saver parter quei mument special cun vus. Dapi 2017 mein nus communablamein tras la veta, sco pèr, sco megliers amitgs e sco team. Ussa suonda il proxim pass, e nus savessan buca s'imaginar ina pli biala rama ch'ina fiasta cun las persunas che muntan a nus il pli bia.
Informaziuns
Damigliar & dabeiber
Il menu resta ina pintga surpresa. Cun l’annunzia saveis vus indicar sche vus preferis il menu cun carn ni vegetar. Nus supplichein d’indicar era eventualas allergias ni intoleranzas.
Hotel & pernottaziun
Il Hotel Pellas s'auda quella fin d’jamna mo a nus; tut las combras ein gia reservadas e pagadas. Tut ils hosps che vegnan d’ordeifer Vella envidein nus cordialmein da pernottar leu – aschia resta la sera patgifica e senza liung viadi da retuorn. Las combras partin nus en tenor vossas relaziuns, amicezias e preferenzas persunalas.
La damaun dalla dumengia envidein nus tuts – era quels che vivan a Vella e pernottan buca el hotel – ad in ensolver communabel el Hotel Pellas.
Arrivada & parcadis
Per tuts che arrivan cun auto stattan ils parcadis dallas pendicularas direct avon il hotel gratuitamein a disposiziun. Informaziuns detagliadas davart l’arrivada anfleis vus cheu.
Schenghetgs
Ina nozza ei ina gronda fiasta – e gie, era in grond project. Tgi che vul sustegner nus astga bugen far quei en fuorma d’in regal da daners. Vossa presenza resta dentont il pli impurtont per nus.
Dresscode
Nus giavischein in'atmosfera festiva – denton senza reglas. Tergiei en quei che fa plascher a vus e cun quei che vus saveis guder il di cun nus.
Giugs & pintgas contribuziuns
Tgi che ha gust d’organisar in giug, ina surpresa ni ina pintga contribuziun, sa s’annunziar tier Olivia Derungs sut 078 769 00 49 (WhatsApp). Ella coordinescha tut e mira che tut gartegia bein el decuors dalla fiasta.
Fotis
Igl entir di vegn accumpignaus fotograficamein – vus stueis pia buca far enzatgei. Gudi il mument; las regurdientschas survegnis vus pli tard.
Annunzia
Il pli giudem sin la pagina anfleis vus il button d’annunzia. Leu saveis vus indicar entochen ils 30 d'avrel 2026 sche vus essas dalla partida e dar atras tut las informaziuns davart tscheina, pernottaziun ed autras particularitads.
Program
Check-in: navenda las 15.00 uras
Arrivada ruasseivla cun in Welcome Drink
Ceremonia libra: 16.00 uras
Ceremonia sin la terrassa dil hotel, ella quala nus festivein nies gie in per l’auter
Apero e fotis da gruppa
Star ensemen cun drinks, pintgas delicatessas e fotografias communablas
Tscheina e fiasta da nozzas
Bien damigliar, bunas conversaziuns ed ina fiasta che cuoza aschi ditg sco ella cuoza
Ensolver: navenda las 8.30 uras
In'entschatta ruasseivla dil di – tuts ein beinvegni
Check-out: entochen las 12.00 uras
Partida e prender cumiau d’ina fin d’jamna speciala
